(閱讀全文)

尋日終於成功整咗個好好味嘅麵包喇！今次會 post 食譜出黎,

"Princess"麵包機食譜

材料：小麥粉～400克、水～250ml、牛油～2湯匙、

酵母～4茶匙、鹽～1茶匙、糖～2茶匙

做法：先用牛油搽勻麵包模具,再放小麥粉、鹽、糖、酵母,最後沿著模具邊落水,

再張所有材料拌勻便可放入麵包機按下按扭使便可,十分簡單呢...

尋日整嘅麵包失敗咗,因為太耐無整包喇 D 份量攪錯咗又落得太多水,

雖然唔太難食都食得落口,但...都係失敗

因為經過尋日嘅失敗,今日整理過材料嘅份量再嘗試做麵包,

睇見架機攪完粉而家正在發酵中,希望今次 ok 啦...

講開用麵包機整麵包,其實部"Princess"麵包機係唔洗錢買嘅,

只係好耐之前同電話公司續約嘅禮物黎,

雖然部機只提供3種程式,但我都覺得好好用呢...

尋晚睇完"食得要高清"哩個節目之後,又勾起我 Diy 嘅隱

今日就買齊晒做麵包嘅材料,搵番部麵包機出黎

開始做麵包,已經好耐無整過喇！

唔知我仲識唔識用部麵包機黎整麵包呢？

今日剛剛試咗用指甲花粉+普洱茶黎染髮,

染出黎個效果都幾好顏色都好自然,

睇多幾日如果無問題,

我會介紹俾阿媽試下,

唔洗佢成日用啲唔天然嘅染髮用品...